Presidenti i Republikës, Ilir Meta ka përshëndetur përshëndet deklaratën e Koordinatorit për Zgjerimin, Michael Gahler, i cili i bëri thirrje qeverisë shqiptare të mos përgojonte Bashkimin Evropian, por të fokusohej te plotësimi i kushteve për anëtarësim.
Meta shprehet se 99% e shqiptarëve presin hapjen e negociatave, dhe shprehet i bindur se zgjedhjet e 25 prillit do i japin fund injorimit të kushteve dhe plotësimit të standardeve për integrimin.
”E përshëndes vëmendjen e pandërprerë të Partive Popullore Europiane dhe thirrjet e përsëritura të miqve të sinqertë europianë, të cilët mezi presin çeljen e negociatave për Shqipërinë.
I garantoj se mbi 99% e popullit shqiptar, mezi e pret hapjen e negociatave dhe se zgjedhjet e 25 prillit 2021 do t’i japin fund injorimit të kushteve dhe plotësimit të standardeve për integrimin, duke e rivendosur vendin, plot energji të reja, drejt Bashkimit Europian’’, shkruan Meta në rrjetin social, Facebook.
