Ministrja e Arsimit, Besa Shahini, ka reaguar pas një njoftimi që lajmëronte se shkolla shtyhej deri më datë 9 dhjetor, si pasojë e tërmeteve të shumtë.
Përmes një postimi në Facebook, Shahini deklaron se njoftimi në fjalë është fals. Ajo sqaron se nuk ka ende një datë për rikthimin në bankat e shkollës pasi godinat duhen rivlerësuar.
“Nxënës, prindër dhe mësues të dashur! Njoftimin zyrtar për rifillimin e mësimit do ta bëj pasi të mbyllim të gjithë analizat e vlerësimeve të infrastrukturave shkollore. Ndaj, MOS MERRNI në konsideratë LAJMET “FAKE” si kjo këtu! Njoftimet e mia i publikoj tek kjo faqe dhe ato pastaj përcillen edhe në kanalet e ndryshme mediatike”, shkruan ministrja.
