Raxha Naingolan është larguar nga Interi për t’u bashkuar me Kaljarin në formën e huazimit për një vit. Mesfushori belg është rikthyer në shtëpi aty ku shkëlqeu për 5 sezone, duke u larguar më pas në drejtim të Romës. Përmes një postimi në rrjetet sociale, klubi nga Sardenja ka njoftuar, arritjen e marrëveshjes me Interin, për transferimin e mesfushorit, në formën e huazimit për një vit.
Belgu u transferua tek zikaltërit një sezon më parë nga Roma, por pavarësisht ndeshjeve të mira nën drejtimin e Spaletit, lojtari nuk ishte në planet e trajnerit të ri Antonio Konte dhe u detyrua të gjejë një ekip të ri, për të vazhduar karrierën e tij. 31-vjeçari kthehet tek Kaljari, pas 5 sezonesh dhe tani shpreson të jetë në formën që ishte dikur, për ta ndihmuar klubin të arrijë objektivat sezonalë.
