Mjaft i shqetësuar, Meta reagoi me anë të rrjeteve sociale në lidhje me kërcënimin që kishte marrë sot zëdhënësi i tij. Një Ambasadë e huaj në Tiranë, e ka paralajmëruar Tedi Blushin, e ndërsa gjithçka ka nisur për një status.
Sipas Metës, zëdhënësit Blushi i është thënë se kishte 30 minuta kohë të fshinte statusin. Në të kundërt, do të kishte pasoja. Mjaft i revoltuar me këtë situatë, Meta ka dhënë paralajmërinin e radhës. Ai ka shënjestruar sërish diplomatët, të cilët kanë tentuar të kërcënojnë zëdhënësin e tij.
Kjo deklaratë e bujshme, nuk ka rënë në ‘vesh të shurdhër’. Ajo është pasuar nga reagime të ashpra të qytetarëve, të cilët nuk e kanë kursyer Ilir Metën, edhe pse në faqen e tij të rrjetit social.
Pasi disa prej ndërkombëtarëve, kërkuan që çështja për ngërçin Kushtetues të dërgohet në Komisionin e Venecias për opinion final, Meta e ashpërsoi gjuhën. Presidenti i Republikës, Ilir Meta, shpërtheu kundër ndërkombëtarëve, duke deklaruar se disa prej tyre janë palaço.
