Konspiracionisti Alfred Cako, ka dhënë komentin e tij lidhur me vrasjen misterioze të Evgjeni Baxhos. Simbolet që u gjetën në trupin e Evgjeni Baxhos ( të resë që u tha fillimisht se humbi jetën nga infeksioni në dhëmb), kanë marrë interpretime të ndryshme.
I ftuar në studion e “Breaking” në Top News, Alfred Cako tha se simbolet mbi trupin e viktimës, lidhen me faktin e ndonjë mesazhi të fortë që i kanë dhënë vrasësit familjarëve të saj. Po sipas tij, ky është një mesazh kërcënimi.
“Vrasja mund të lidhet dhe me faktin se ka një çështje të pa mbyllur për trashëgiminë me palën, që është lënë e hapur, duke i dhënë një mesazh kërcënimi që mos u ngatërroni, por mund të kenë probleme me shtëpinë si pronësinë”, theksoi Cako.
Cako, teksa ka analizuar figurat në trupin e së ndjerës, u shpreh se shenja e sfurkut tregon fuqinë e personit që ka kryer vrasjen, duke iu treguar atyre se është i paprekshëm.
“Sfurku tregon fuqi, shëndet, e siguri d.m.th që personi që e ka bërë këtë iu thotë se nuk kemi se çfarë të bëni se jam i fortë. Ndoshta unë jam i gabuar. Atje janë ato germa është një gërma A është poshtë një J, mund të lexohen nga e majta në të djathtë ose e kundërta. J, G, A, besoj se janë mesazhe”, tha Cako.
