Kjo fundjavë do të karakterizohet nga hyrja e masave të paqëndrueshme. Sot, gjatë orëve të mesditës në zonat malore e pjesërisht në ato kodrinore, do të ketë reshje shiu. Këto do të jenë në afate të shkurtra kohore dhe në formën e shtrëngatave. Në ekstreme të izoluara malore, nuk do të mungojnë dhe rrufetë me breshër.
Ditën e diel paqëndrueshmëria do të jetë më e dukshme, pasi do të përfshijë më shumë territor. Në mesditë reshjet do të kenë karakter shtrëngatash si dhe rrufe të izoluara me breshër. Kjo situatë do të sjellë rënie temperaturash gjatë orëve të mesditës.
Era do të fryjë kryesisht nga veriperëndimi e lehtë e hera herës do të fitojë forcë deri 12m/sek. Valëzimi në dete i forcës 3 ballë.
