Për shkak të panikut që ka mbërthyer Italinë nga koronavirusi vdekjeprurës, shumë ndjeshje janë në pikëpyetje nëse do të realizohen.
Në orën 12:30 ishte planifikuar të zhvillohej ndeshja mes Parmës dhe SPAL-it, por arbitri i ndeshjes i ka urdhëruar lojtarët të shkojnë në dhomat e zhveshjes, me ndeshjen që është shtyrë momentalisht.
Shkak për këtë është bërë ministri i sportit në Itali, Vinçenco Spadafira, i cili ka kërkuar që federata të vlerësojë shtyrjen e ndeshjeve në këtë moment delikat të vendit.
Në këto minuta është marrë vendimi përsa i përket ndeshjes Parma-Spal, e cila do të luhet sot duke filluar nga ora 13:45.
Kujtojmë këtu se gjatë natës, Këshilli i ministrave të Italisë morri masat më drastike për koronavirusin. Kryeministri i Italisë, Giuseppe Conte firmosi gjatë natës mes së shtunës dhe së dielës, një dekret që detyron menjëherë masa të reja shtrënguese për lëvizjen e njerëzve.
