Po është e vërtetë, Arsen Wenger më në fund ka dhënë dorëheqjen nga drejtimi i Arsenalit. Mëngjesi i sotëm ka filluar si çdo ditë, por tekniku francez mblodhi lojtarët dhe u tha: “Kam një lajm të keq, unë po largohem”. Pas lajmit tifozët e Arsenalit kanë qenë të ndarë, ndërkaq shumica e analistëve e kanë konsideruar Wengerin legjendë.
Shkaqet e largimit
Por cilat ishin shkaqet që trajneri 22 vjeçar i Arsenalit i dha fund karrierës me këtë klub fitoj ne Londër tre tituj të Premier Ligës dhe shtatë FA Cup?
Mes tyre renditen betejat me bordin, lufta e shtrenjtë e transferimeve, vendet bosh të stadiumit dhe pamundësia për ta kualifikuar skuadrën në Champions. Ky sezon ishte më i dobët për Wengerin që kurse është zgjedhur trajner i Arsenalit. Skuadra gjendet në vendin e 6’të më vetëm 54 pikë, por Arsenal është në Europa Ligë dhe ende shpreson ta përfundojë një sezon me një trofe.
Reagimet
Shqiptaro zvicerani Granit Xhaka ka reaguar pas dorëheqjes së Arsene Wenger nga Arsenali. “Të luaj nën urdhrat e tuaja një ëndërr e bërë realitet, një nder. Faleminderit bos, një legjendë e madhe. Tani duhet ta përfundojmë këtë sezon në mënyrën më të mirë dhe së bashku ta fitojmë një trofe në fund”, ka shkruar Xhaka.
Ish ylli dhe legjenda e Arsenalit Thierry Henry ka ndjenja të përziera sot pas largimit të Wengerit dhe ka thënë se tifozët duhet që të bëjnë gjithçka për t’i dhënë atij lamtumirën që e meriton.
E ardhmja
Henry thuhet se është kandidat për ta zëvendësuar Wengerin, megjithëse në krye të listës gjenden të dy gjermanë – Thomas Tuchel dhe Joachim Low. Wengeri i’u bashkua londinezeve në vitin 1996 nga klubi japonez Nagoya Grampus Eight, sipas mediave angleze është kontaktuara edhe nga Reali i madridit edhe nga PSG menjëherë sapo është marrë vesh lajmi i largimit të tij.
