Kryetarja e Grupit Parlamentar Demokrat, Rudina Hajdari, mendon se marrëveshja e shumë përfolur mes kryeministrit Rama dhe kryedemokratit Basha do të ndodhë, dhe shton se këtë e gjë e ka deklaruar edhe më parë.
E ftuar në emisionin ‘Open’ në Top Channel, Hajdari tha se kjo marrëveshje mund të arrihet në fillim të vitit të ardhshëm, dhe se kjo do të sjellë fundin e Bashës.
“Marrëveshja ka për të ndodhur, mund të ndodhë në fillim të vitit që vjen. Rama do e sfilisë Bashën sepse ai nuk ka asnjë interes për një marrëveshje me Bashën. Rama do e ofrojë marrëveshjen kur Basha të jetë i dobët. Kjo tavolinë do të jetë fundi i Bashës. Por nuk mendoj se PD nuk e ka forcën të ringrihet apo të ketë forca të reja politike që të ringrejnë të djathtën”, u shpreh Hajdari.
