Një ngarje e rëndë është regjistruar pasditen e sotme në qytetin e Sarandës.
Si pasojë e zjarrit në një banesë ka gjetur vdekjen një 54-vjeçar, i cili jetonte aty me qira.
”Më datë 16.11.2020, rreth orës 18:30, në lagjen nr.1, Sarandë ka marrë flakë banesa e shtetasit V. S. i cili aktualisht ndodhet në Greqi, si pasojë e flakëve ka humbur jetën shtetasi S.K., 54 vjeç, i cili jetonte me qera në atë banesë.”, informon policia.
Dyshohet se viktima, në gjendje të dehur ka vënë zjarrin banesës.
Grupi hetimor po punon për sqarimin e plotë të rrethanave të ngjarjes.