Merr dhuratë një biletë nga xhaxhai, futbollisti irlandez fiton lotarinë e jetës

Viti 2018 ka hyrë me shumë fat për mbrojtësin e skuadrës angleze të Preston, Kevin O’Connor. 22-vjeçari irlandez ka fituar 1 milionë paund me një biletë lotarie, të cilën e mori si dhuratë nga xhaxhai i tij. Pasi dëgjoi numrat e lotarisë, nëna e tij e nxiti të shikonte biletën.

“E kontrollova biletën dhe nuk e mendoja kurrë se do të isha fitues i çmimit 1 milion paundësh. Ka qenë një ditë e pabesueshme. Nuk e di ende çfarë do bëj me paratë, por do ta mendoj dhe do marr një vendim”, u shpreh futbollisti i Championship.