Kancelarja gjermanel, Angela Merkel do të vetëkarantinohet pasi ka pasur kontakt me një mjek, i cili ka rezultuar pozitiv me koronavirus.
Bëhet me dije se Merkel do të vetëizolohet në shtëpinë e saj, nga ku do të kryejë edhe detyrën e saj.
Situata në Gjermani është vështirësuar shumë, për shkak të përhapjes së gjerë të koronavirusit në vend. Deri më tani në Gjermani janë raportuar mbi 12 mijë raste infektimi dhe 47 viktima nga virusi Covid-19.
Angela Merkel zhvilloi një konferencë telefonike me kryeministrat e landeve të Gjermanisë, ku u caktuan disa masa të reja të domosdoshme.
Në dy javët e ardhshme në Gjermani do të ndalohen kontaktet mes njerëzve jashtë familjeve. Ndalohet dalja në rrugë e më shumë se dy personave së bashku. Mund të dalin edhe më shumë persona së bashku, por vetëm nëse janë anëtarë të një familje të ngushtë.
Kryeministri i landit të Renanisvë Veriore Vestfalisë, Armin Laschet bëri me dije se ata që do i shkelin këto rregulla do të dënohen me gjoba të cilat mund të shkojnë deri në 25.000 euro.
