Këngëtarja e muzikës popullore, Merita Halili, teksa ka qenë e ftuar në emisionin “Expuls”, ka folur hapur për sëmundjen nga e cila vuan. Artistja ka rrëfyer se vuan nga Lupus, sëmundje të cilën e kanë pasur vetëm dy-tre persona në vendin tonë. Kjo sëmundje e rrallë ka të bëjë me imunitetin. Sëmundja është në lëkurë, dhe se e mban në kontroll duke u kujdesur.
“Është një sëmundje autoimune që quhet Lupus. Nuk ka qenë e përhapur në Shqipëri, vetëm dy-tre persona mund ta kenë pasur. Por ka të bëjë me imunitetin.
E kam në gradë minore nuk e kam maxhore, sëmundja është në lëkurë por e mbaj në kontroll dhe duhet të kujdesem mos të rri shumë në diell”, ka thënë Merita.
Merita Halili është një nga këngëtaret më të dashura për publikun shqiptar, që prej vitesh jeton në SHBA ku jep koncerte për shqiptarët atje.
