Ilir Meta është shprehur se nuk i trembet hetimeve të SPAK-ut. Kryetari i Partisë së Lirisë deklaroi se në Vjenë ka diskutuar në lidhje me shkrimin në gazetën austriake që e akuzon atë që ka lobuar në SHBA. Meta u shpreh se ka marrë këshilla se nëse hap proces gjyqësor për shpifje, ai do të dalë i humbur sepse do të dëmtohet figura e tij mediakisht, dhe nëse në fund fiton do të shkruajnë sërish kundër tij. Gjatë intervistës për “News24”, tha se mendohet mirë kur hedh firmën, pasi “Ilir Meta është dëbore e bardhë”.
“Po më habit dhe çudit, do të trembem unë, nga do të trembet unë nga e vërteta. Ilir Meta kur firmos mendohet shumë dhe është dëborë e bardhë. U’a kam lënë të gjitha, mjerimi i tyre është i tmerrshëm, mali i fakteve në shtator e kalon tavanin e SPAK-ut. Le të merren me bedelat. E bëri bedel një ish-ministër të Brendshëm, por shkoi në nivele të larta. Tani shihni çfarë probleme i kemi krijuar Europës me këtë qeveri. Edhe për aferën e inceneratorëve është ai që ka urdhëruar Agaçin. Janë kryer me vendime të paligjshme. Ai paguan edhe sot për ata që janë në Vjenë. Rama edhe kur të takon diçka me ligj, nuk ta jep pa të marrë diçka dhe pa të mbajtur peng. Jo vetëm afera e inceneratorëve do të vijojë, por i gjithë revolucioni antikorrupsion. Edhe afera e Portit të Durrësit do marrë vëmendje. Do të ketë hetime për mos-hetimet e kryera. Afera të reja priten në shtator të dalin në sipërfaqe. Nuk kemi pritur thjesht shtatorin. Në 26 prill në mëngjes ish-zëdhënësi im ka bërë një mesazh që mbaron mandati dhe kthehem në politikë. Ju keni raportuar edhe shkarkime. Unë kam thënë o superbudallenj unë jam Ilir Meta”.
