Kreu i PD-së, Lulzim Basha shprehet se do të paraqesin një plan të dytë për menaxhimin e situatës së pandemisë.
Sipas liderit të opozitës, situata në vend është drejt katastrofës, teksa theksoi se dokumenti do të jetë gati në fund të javës.
“Dokument pune, plan veprim që do i paraqesim edhe ju, politikisht si opozitë, se pavarësisht se çfarë ka ndodhur nuk është momenti të ngremë gishtin për të thënë kjo nuk shkon, kjo nuk shkon, për t’i zgjuar nga narkoza e thellë e indiferencës, por mbi të gjithë për t’i shkundur se bëhet fjalë për jetë njerëzish për t’u thënë çfarë duhet të bëjnë dhe ta bëjnë një orë e më parë. Pasi ka kohë për tu marrë me përgjegjësitë.
Në këtë moment do orë që humbet me premtime të pambajtura, çdo minutë na kushton jetë njerëzish dhe do të na kushtojë shumë më shtrenjtë edhe ekonomikisht. Kam besim që siç parashtruam paketën e parë, që po ti kishin vënë veshin nuk do ishim këtu. Nëse do ishte bërë një investigim i vërtetë i kontakteve nuk do të ishim në këtë situatë. Ti dalë para të keqes së madhe. Këtu bëhet fjalë për anti-menaxhim. Brenda javës të dalim me një propozim konkret. I pari nuk u dëgjua dhe na duhet një propozim konkret”, u shpreh Basha gjatë takimit me ekspertët e shëndetësisë.
