Kryebashkiaku i Tiranës, Erion Veliaj ka ironizuar kryetaren e LSI-së, Monika Kryemadhin, e cila u shfaq sot në protestë me një bluzë ku ishin stampuar fotot e disa prej aktorëve më të mëdhenj shqiptarë.
Në mesin e fotove të stampuara në bluzën e Kryemadhit ishin edhe ato të Kadri Roshit dhe Violeta Manushit.
Veliaj ka publikuar një video ku dy aktorët në fjalë shprehen pro ndërtimit të një teatri të ri, teksa ironizon Kryemadhin se nuk ka qenë ndonjë herë në teatër.
https://www.instagram.com/tv/CAVtZ_FhjDU/?utm_source=ig_web_copy_link
“Dakord që s’ke qenë ndonjëherë në teatër, s’është mëkat. Por si minimum, para se t’i stamposh në bluzën e protestës së tallashit Kadri Roshin e Violeta Manushin, mos duhet të dëgjosh çfarë kanë thënë për idenë e teatrit të ri? S’do qe keq të dëgjonim më shumë histori, se histeri! Ja video”, shkruan Veliaj krahas videos.
Në video shfaqen edhe aktorë të tjerë si Drita Pelinku, Margarita Xhepa, Robert Ndrenika, Mirush Kabashi të cilët e cilësojnë si një ëndërr ndërtimin e teatrit të ri.
