Ish-deputetja e LSI, Kejdi Mehmetaj iu është përgjigjur deklaratave të ministres Elisa Spiropali, teksa kjo e fundit ishte e ftuar mbrëmjen e djeshme në emisionin “Open”, e nga ku tha se zgjedhjet vendore treguan se opozita mori një humbje të madhe.
Mehmetaj shkruan se në të ardhmen do të ketë qeli miks në burgje, ku, sipas saj, ministrja mund t’i shërbejë me devotshmëri shefit të saj politik.
“Elisa dogana.al, ujësjellësi.fr, përgjime.ge, miliona.euro!
Kur shefi jot të bëhet gati për të shkuar pas hekurave, do i bëjmë presidentit një kërkesë të veçantë: të krijohen disa qeli miks (burra & gra), që ti shërbesh edhe aty me devotshmëri.
Ruaji emocionet, papagajtë përdoren për të përsëritur ato që u mësojnë, po edhe ata tregohen të përmbajtur me raste. Mendo para se të flasësh, ndryshe do humbasësh edhe titullin ‘papagall’”, shkruan ish-deputetja.