Kryetari i Partisë Republikane, Fatmir Mediu dënon arrestimin e kryeredaktorit te Koha Jone, Qamil Xhani.
Ish-deputeti, apelon për rrezimin e regjimit te korruptuar të kyeministrit Edi Rama, pasi sipas tij, e ka barazuar Shqipërinë me vendet diktatoriale.
Mediu shprehet se me protestë dhe me votë, kjo qeveri policore duhet të largohet.
Postimi i Mediut në Facebook
Marrja me forcë para derës se redaksisë së kryeredaktorit të gazetës “Koha Jonë”, Qamil Xhani, është akti i radhës i dhunës me të cilën Policia e Shtetit është duke vepruar, duke u kthyer në një vegël qorre të pushtetit.
Shoqërimi në komisariat, goditjet gjatë rrugës, por edhe indiferenca e efektivëve dhe shefave ndaj spjegimeve të gazetarit Xhani, që po raportonte mbi protestën, spjegojnë më së miri se kjo trupë, nuk ka më asnjë lidhje me uniformën e nderuar të policit, ka harruar kushtetun dhe ligjin para të cilit është betuar, ka harruar dhe nëpërkëmbur qytetarin, nga i cili paguhet dhe të cilit duhet t’i shërbejë.
Prangosja e gazetarëve, është ndër veprimet e fundit, të cilët i venë shkelmin demokracisë, I marrin frymën dhe I heqin zërin shoqërisë civile, duke e barazuar Shqipërinë me vendet diktatoriale.
Njëkohësisht edhe një ndër aktet të cilat na bëjnë të reflektojmë për të kuptuar përgjegjësinë e largimit sa më shpejtë të këtij regjimi të korruptuar.
Me protestë dhe me votë, kjo qeveri policore, duhet të largohet!
