U përfol gjatë gjithë javës se ylli brazilian Neymar ka një krisje me ekipin e PSG dhe këtë javë nuk do të jetë në fushën e lojës përballë Rennes. Por faktikisht ka ndodhur e kundërta. Ai ka zbritur në fushë dhe është treguar deçiziv në këtë fillim sfide duke shënuar një gol dhe duke asistuar një tjetër për Mbappe.
Neymar i janë dashur vetëm katër minuta në fushë për të dërguar topin në rrjetë, por merita ka qenë edhe e yllit francez, Mbappe, i cili ka dhënë një asist perfekt. Ky gol do të shuaj disi zërat e një krisjeje mes brazilianit që është edhe blerja më e shtrenjtë në futboll, me klubin e tij aktual dhe se ai po mendon largimin drejt Madridit.
Ndërsa vetëm 13’ minuta më vonë është Mbappe që gjen rrugën e rrjetës për të dyfishuar rezultatin. Këtë herë është Neymar që jep një asist perfekt për francezin, pas një kundërsulmi mjaft të shpejtë të treshes së sulmi të PSG.
