Një ditë pas deklaratës së fortë të Presidentit Ilir Meta se nuk mund të firmosë një letër të bardhe, sa i takon negociatave mes Shqipërisë e Greqisë për kufirin detar, mediat greke kanë reaguar ashpër, duke lëshuar mori akuzash.
Media greke eleftherostypos.gr, e ka nisuar shkrim e saj me titullin: “Bombë” në kufijtë detarë greko-shqiptarë: Presidenti shqiptar bllokon negocimin.
Më tej në shkrimin e saj, media e vendit fqinj flet për “zjarr” në marrëdhëniet greko-shqiptare, i cili është vë nga presidentin e Shqipërisë, Ilir Meta, pas refuzimit të tij për të dhënë leje për bisedime të mëtejshme me Greqinë në kufijtë detarë, duke kërkuar më shumë informacion rreth asaj se ccfarë është negociuar mes dy ministrave të jashtëm deri më tani.
“Kërkesa nuk përcakton qartë çështjen e negociatave për të cilat kërkohet autorizimi”, tha Ilir Meta dje një konferencë shtypi.
Sipas tij, “Qëllimi i presidentit nuk ishte dhe nuk është te beje lojëra politike me një çështje aq serioze dhe delikate”.
Kujtojmë se dialogu për kufirin detar greko-shqiptar filloi nëntorin e kaluar në Kretë midis ministrave të jashtëm Nikos Kotzias dhe Dmitmir Bushati.
Në pritje të përcaktimin e vizitës së Alexis Tsipras në Tiranë, ku do të konfirmohet marrëveshja, sipas njoftimeve në shtypin shqiptar, burime nga Kryesisë tha se presidenti Ilir Meta nuk ka dhënë autorizimin për të përfunduar një marrëveshje, siç kërkohet nga Kushtetuta, duke deklaruar se pa të, marrëveshja do të anullohet. TIRANA TODAY
