Pas mediave gjermane, edhe një media daneze i ka kushtuar një artikull shqiptarëve, të cilët po gjejnë çdo lloj forme për të kaluar klandestinë drejt Britanisë së Madhe.
Bëhet fjalë për “cphpost.dk”, ku shkruan se Danimarka është kthyer në një vend transit për shqiptarët, pasi ata po përpiqen në rrugë ilegale për të arritur në Mbretërinë e Bashkuar.
“Danimarka është një vend tranzit për shqiptarët që duan të ikin në Britaninë e Madhe. Politikanët danezë të BE po kërkojnë të ashpërsojnë legjislacionin e vizave të BE pas lajmit se Danimarka është bërë një vend transit për shqiptarët që përpiqen ilegalisht për të arritur në Mbretërinë e Bashkuar. Shqipëria nuk është aktualisht në BE, por ka një marrëveshje që lejon qytetarët e saj të qëndrojnë në një ose disa vende të BE për 90 ditë gjatë një periudhe 180 ditore pa vizë.
“Porti i Esbjergut ka përjetuar rritje të trafikut nga shqiptarët, të cilët hyjnë ilegalisht në zonën e portit dhe fshihen në dhe nën kamionë që dërgohen me tragete në Britani të Madhe. Në tre muajt e parë të vitit, 54 shqiptarë u kapën duke u përpjekur të largoheshin”, thuhet në artikull.
