Zv.kryeministri Erion Braçe ka reaguar në lidhje me shitjen e biletave për ndeshjen e kombëtares kundër Francës, që do të luhet në “Arenën Kombëtare”.
Shumë nga tifozët janë shprehur të irrituar, pasi sipas tyre, për blerjen e biletës së ndeshjes me Francën është vënë taksative dhe blerja e biletës për ndeshjen kundër Andorrës.
Përmes një Instastory, Braçe thumbon FSHF-në, teksa pyet tifozët nëse janë përgatitur për ndeshjen me Francën, të vlefshme për ‘Euro 2020’.
“A i bletë biletat për Francës? “Me të futme” apo si? Mos harroni, për ata “futbolli s’është për hallexhinj”!,” shkruan zv.kryeministri.
Kujtojmë se pak kohë më parë zyrtari i FSHF-së, Arben Dervishaj, në një emision sportiv tha se: “Futbolli nuk është për hallexhinjtë”. Duke justifikuar kështu çmimet e larta të biletave në stadiumet shqiptare sidomos të atij të “Arenës Kombëtare.”
