Pas shpalljes “non grata” të Berishës, me interes të shtuar është edhe reagimi i familjarëve të ish-kryeministrit. Partnerja e Shkëlzen Berishës, Armina Mevlani, nuk i ka shpëtuar pyetjeve të ndjekësve të saj në rrjetet sociale, duke dhënë edhe ajo një koment në lidhje me këtë situatë të nxehtë.
Blogerja e famshme thotë se kryesorja për të është shëndeti i njerëzve të dashur, dhe se gjithçka tjetër rregullohet dhe kalon. Sipas saj, çdo gjë ka prapavijë politike.
Armina është e përjashtuar nga vendimi i DASH, dhe mund të udhëtojë e lirë në SHBA. Vendimi përfshin fëmijët e ish-kryeministrit dhe bashkëshorten e tij.
Në intervistën e fundit në emisionin “Opinion” në Tv Klan, ish-kryeministri Sali Berisha i cilësoi politike akuzat e Sekretarit amerikan të Shtetit, Antony Blinken, që e shpalli atë “non grata”.
Berisha hedh poshtë akuzat se ai apo familja e tij të jenë pasuruar në mënyrë të paligjshme, për shkak të pushtetit që ai ka pasur. “Nëse gjeni pasuri të miat, ua kam falur. Fëmijët e mi nuk kanë marrë asnjë lek nga shteti”.
