Kryeministri Edi Rama është takuar ditën e sotme me ish-presidentin e Francës, Nicolas Sarkozy.
Në takimin e zhvilluar në shtëpinë e Sarkozy në Paris, Rama ka diskutuar për sfidat e Shqipërisë dhe për rrugën drejt integrimit europian.
Kreu i qeverisë ka publikuar disa foto nga takimi i tij me Sarkozy, ku theksoi se ka privilegjin që të marrë këshilla prej tij.
“Me një mik special në shtëpinë e tij në Paris, presidentin Nicolas Sarkozy, me të cilin kam privilegjin të këshillohem për sfidat e Shqipërisë dhe rajonit tonë, në rrugën e zhvillimit ekonomik e social, e të integrimit europian”, shkruan Rama.