Policia e Shtetit i është rikthyer aksioneve blitz, me në fokus personat me precedentë penalë dhe automjetet luksoze me probleme në dokumentacion. Blutë të mbështetur nga Forcat e Ndërhyrjes së Shpejtë, kanë ngritur postblloqe dhe ushtrojnë kontrolle në pikat kyçe.
Postblloqet janë vendosur në hyrje të qytetit të Fierit, pranë vendit të quajtur “Vija e Ngjalës”, dhe në dalje të qytetit, në aksin Fier-Vlorë.
Në fokus të kontrolleve kanë qenë personat që rezultojnë të shpallur në kërkim për armë apo drogë. Këto kontrolle do të vijojnë edhe ditët e ardhshme.
