Britanikja Laleh Shahravesh, 55 vjeç është dënuar me dy vite burg për shkak se ka quajtur gruan e ish-bashkëshortin e saj “pelë”. Kjo fyerje në rrjetet sociale i ka kushtuar lirinë. Arrestimi është bërë në aeroportin e Dubait pasi ajo po udhëtonte për në funeralin e ish-burrit të saj.
Komentet janë bërë në rrjetin social Facebook, në një foto postuar në vitin 2016.
Shahravesh ishte e martuar me ish-bashkëshortin prej 18 vitesh, kohë gjatë së cilës ajo jetoi në Emiratet e Bashkuara vetëm për 8 muaj. Pas kthimit në Britani me vajzën e saj, i shoqi qëndroi në Emiratet e Bashkuara Arabe dhe çifti u divorcua.
Shahravesh zbuloi se ish-bashkëshorti i saj po rimartohej, gjë që ajo e zbuloi kur pa fotot në Facebook.
Ajo postoi dy komente, njëri prej të cilëve ishte: “Shpresoj të të shoh nën tokë idiot. I shkreti ti. Më le mua për këtë pelë”, koment ky që i ka kushtuar shumë.
Sipas ligjeve të krimit kibernetik të Emirateve të Bashkuara Arabe, gruaja e ndaluar mund të burgoset dhe të vuajë dënimin deri në 2 vjet, ose të gjobitet deri në 50 mijë paund, pavarësisht faktit që 55-vjeçarja i bëri këto komente në Facebook gjatë kohës që ishte në Britani.
Ndërkohë vajza e saj 14-vjeçare i është drejtuar sundimtarit të Dubait me një letër nëpërmjet të së cilës i kërkon lirimin e nënës së saj.
Në letrën drejtuar sunduesit të Dubait, Sheikh Mohammed Bin Rashid al-Maktoum, vajza sqaroi se nëna e saj ishte detyruar të nënshkruajë një deklaratë nga policia që ishte “e shkruar në arabisht dhe se ajo nuk e kuptonte”. Gjithashtu shtoi: “Nuk mund ta tregoj se sa e frikësuar isha, sidomos pas humbjes së babait tim vetëm një javë më parë, përse tani unë duhet të shqetësohem edhe për humbjen e nënës sime”. Në mbyllje të letrës, ajo shkruan: “Ju lutem, më ktheni pasaportën e nënës sime, dhe lejojeni që ajo të vijë në shtëpi”.
Shefja e ekzekutivit në Dubai, Radha Stirling, i tha BBC News se organizata e saj po ashtu edhe Zyra e Jashtme (FCO) ka konfiskuar pasaportën, por gruaja aktualisht po qëndron në një hotel./ Përshtati Tirana Today
