Moderatorja e njohur, Fjoralba Ponari ka treguar për një moment të dhimbshëm nga jeta e saj, ku ka rënë pre e ngacmimeve fizike nga persona të panjohur.
Ajo e bëri publik një rast të tillë pak ditë më parë në Instagram, por sot ajo rrëfeu historinë e plotë në emisionin e mëngjesit “Wake Up”.
Në një lidhje të drejtpërdrejtë, Ponari tha se është sulmuar dhe kërcënuar me thikë nga një person i dehur, teksa gjatë rrëfimit nuk i përmban dot as lotët.
“Në të kaluar kam pasur një rast ku jam sulmuar fizikisht. Kam qenë në vit të parë të shkollës së lartë kur jam sulmuar fizikisht. Kam qenë nën kërcënimin e një thike… Agresori im ishte në gjendje të dehur dhe në ato kushte nuk e di sesi mund të kishte përfunduar. Fatmirësisht aty u ndodhën dy zotërinj që më ndihmuan. Agresori im ishte me kapele dhe nuk e denoncoja dot, pasi zëre se po denoncoja një fantazmë. Në atë kohë kam kaluar ankthe shumë të mëdha”, tha ajo.
