Një vajzë e re, e cila mori pjesë në protestën e sotme para Ministrisë së Shëndetësisë, ka guxuar të bëjë një rrëfim të ndjeshëm e mjaft të dhimbshëm.
Ajo ka rrëfyer para dhjetëra grave se është abuzuar seksualisht kur ishte 12 vjeçe. Sot, abuzuesi është i lirë dhe vajza 17-vjeçare ka frikë të dalë në rrugë, pasi autori e kërcënon me jetë.
Rrëfimi i 17-vjeçares:
“Jam Erisa Kodra, jam nga Berati. Jam përdhunuar në moshën 12-vjeçare, autori është sot i lirë, për çfarë duhet të festoj unë sot?! Sot jam 17-vjeçe, autori më kërcënon sot me jetë, unë sot kam frikë që të dal në rrugë, kam frikë që të shkoj në dyqan. Ku është drejtësi sot”, tha ndër të tjera vajza, e cila është mbështetur masivishit me duartrokitje nga të pranishmet.
