Ditën e djeshme, në qarkun Gjirokastër përfundoi konstituimi i Këshillave Bashkiakë të dalë nga zgjedhjet e 30 qershorit. Këshilli Bashkiak i Dropullit konsiderohet si njësia vendore më e madhe e minoritetit etnik grek.
Në ceremoninë e betimit të kryetarit të ri, Dhimitraq Toli dhe anëtarëve të rinj të Këshillit Bashkiak, u luajt himni grek dhe shqiptar, si dhe ishin flamujt e të dy vendeve. Po ashtu, kryebashkiaku Toli mbajti fjalimin në të dy gjuhët.
Të pranishëm gjatë konstituimit ishin deputetët Bledi Çuçi, Mirela Kumbaro dhe Artemis Malo, si dhe zv.ministrja e Brendshme Rovena Voda e prefekti Astrit Aliaj.
Dropulli, prej katër vitesh drejtohej nga një kryebashkiak i dalë nga Partia Demokratike.
