E hënë, 20 Shtator, 2021
28.5 C
Tirana

“Më fute në burg, me q… nanën”, sulmi me trit*l i inskenuar

Shpërthimi i lëndës eksplozive në automjetin tip “Benz” në pronësi të ish-kandidatit për deputet dhe kreu i njërës prej sindikatave të Minatorëve të Bulqizës, rezulton i inskenuar. Ngjarja ndodhi në orët e para të mëngjesit të së premtes së shkuar në fshatin Dushaj. Nga hetimet dhe përgjimet, Policia ka mundur të zbardhë ngjarjen, duke arrestuar shtetasin Alfred Debreshi, vëllai i Elton Debreshit. Nga përgjimet ambientale në burg, Alfredi i ankohet Eltonit se mbeti në burg, duke fajësuar atë për ngjarjen.

DËSHMIA E ELTON DEBRESHIT

Në dëshminë e tij në Polici menjëherë pas ngjarjes, Elton Debreshi, ka deklaruar se nuk kishte konflikte që mund të çonin në vënien e tritolit të automjetit të tij rreth orës 01:00 të mëngjesit të së premtes.

Ai ka pohuar se nuk dyshon tek askush, por se besonte se lënda plasëse i ishte vënë për presion, duke e lidhur këtë me denoncimet për çështjet e minatorëve të Bulqizës.

Debreshi ka deklaruar se pasi ka dëgjuar shpërthimin, ka dalë dhe ka parë makinën që nxirrte tym, duke i hedhur një kovë me ujë në mënyrë që të mos digjej.

“Unë jam kryetari i Sindikatës së Minatorëve të Bashkuar Bulqizë, ku dhe kam kandiduar për deputet në qarkun Dibër si kandidat i pavarur për të përfaqësuar minatorët e Bulqizës.

Rreth orës 22:00, kam shkuar në shtëpi, kam parkuar makinën para shtëpisë dhe kam qëndruar me familjen time. Bashkëshortja me fëmijët u larguan më përpara për të fjetur, ndërsa unë kam shkuar për të fjetur rreth orës 23:00. Rreth orës 00:20, kam dëgjuar një shpërthim, i cili dukej afër shtëpisë time. Jam ngritur me gjithë bashkëshorten për të parë fëmijët se mos ishin trembur dhe nga dritarja e tyre kemi parë tym në drejtim të makinës time.

Kur dola jashtë, pashë se kofano e makinës ishte e ngritur, ventilatori i makinës ishte i ndezur, xhami makinës ishte i thyer dhe te pjesa e motorit dilte tym. Unë i kam hedhur një kovë ujë se kisha frikë mos merrte flakë dhe kam njoftuar Policinë.

Gjatë kohës që po prisja Policinë nga kodra ka kaluar një makinë e bardhë, e vogël, në të cilën dallova shtetasin Fatjon Truka, nga fshati Dushaj, i cili ishte me djalin e tij të dytë, i quajtur Musa, të cilët dolën nga makina më folën se çfarë kisha dhe pastaj ikën”, thuhet në dëshminë e Debreshit.

PËRGJIMET NDAJ ALFRED DEBRESHIT

Ndërsa vëllai i Eltonit, Alfred Debreshi, i cili është arrestuar nga Policia gjatë ditës së shtunës, pasi akuzohet se ka qenë ai që i ka vënë tritolin makinës, është shprehur se ditën që ka ndodhur ngjarja ndodhej te xhaxhai.

Nga përgjimet rezulton se shtetasi Alfred Debreshi, është person i implikuar drejtpërdrejt pas vendosjes së lëndës shpërthyese mbi automjetin në pronësi të Debreshit, pasi në bisedat e tij, ai disa herë i drejtohet vëllait të tij, Eltonit, me fjalët: “Më fute në burg, me q… nanën”, “e din se m’ke çu në burg o plak”, “na q… nanën mor burrë”.

Gjithashtu, vëllezërit kanë folur për mënyrën sesi do të deklarojnë në Polici.

Përgjimet kanë zbuluar edhe qëllimin e kësaj sajese të rrezikshme nga vëllezërit Debreshi. Fillimisht do të kërkonte azil në Francë Alfredi dhe më vonë edhe Eltoni, me pretekstin se ndiheshin të pasigurt në vendin e tyre. /Panorama

 

- Reklama -

Më shumë nga kategoria




Të fundit

Shërbimet sekrete zbulojnë planin/ Parandalohet ekzekutimi i Zoran Zaev

Shërbimet sekrete greke dhe qeveria parandaluan një atentat ndaj kryeministrit të Maqedonisë së Veriut, Zoran Zaev, disa muaj pas nënshkrimit të Marrëveshjes së Prespës...

Në politikën gjermane nuk përfaqësohen sa duhet migrantët

"What's your Heimat?" - cili është atdheu juaj u pyet W. Michael Blumental, drejtori që themeloi Muzeun Hebre në Berlin në vitin 2014. Për...

Pse berishizmi, është enverizimi i ri shqiptar

Nga: Mero Baze Kjo që po i ndodh Partisë Demokratike, Partisë së Punës, ka filluar ti ndodh në vitin 1991. Kur ajo filloi të reformohej...

VIDEO/Drogë, armë e vjedhje energjie, momenti i arrestimit të volejbollistit

Një volejbollist ka rënë në prangat e policisë, pasi është kapur me armë zjarri, municion luftarak dhe kokainë. Volejbollisti 26-vjeçar i identifikuar si Eraldo...

Debati në PD, Basha-Berisha na sjell edhe njëherë debatin për sovranitetin

Nga: Ben Andoni Në Shqipëri është e prerë dhe e menjëherë-pranueshme se nëse e thotë diçka apo e artikulon ambasadori i SHBA-së, atëherë deklarata ka...