Balerini i njohur shqiptar Sokol Zhguri, ka zbardhur prapaskenat pas shumë vitesh për spektaklin “Big Brother”. Ndryshe nga çfarë është thënë më herët, se fillimisht kandidatët kalonin disa testime, Sokoli ka zbuluar në “Abc e Mëngjesit” se rasti i tij ishte përjashtimor. Kjo pasi ai kishte marrë një ftesë nga vetë produksioni.
Sokol Zhguri është një emër i dëgjuar në ekranet shqiptare, pasi është një nga balerinët më të mirë klasikë në Shqipëri. Pavarësisht ambientimit me kamerat e televizionin, ai nuk kishte gjetur dot vetveten brenda asaj shtëpie.
“As nuk e mbaj mend fare se ç’a edicioni kam qenë. Kam qenë para 7 vitesh në “Big Brother”. Kishim djalin e madh. Erdhi si kërkesë e produksionit, dhe unë nuk mund ta refuzoja. Duke qëne se jam mësuar me kamerat, nuk më bënte përshtypje. Por duke qenë se aty gjen shtresa të ndryshme njerëzish, nuk u gjenda mirë”, tha ai.
