Presidenti Thaçi ka mbërritur në pikën kufitare të Morinës. Pas njoftimit me anë të një statusi në facebook, menjëherë qindra qytetarë kanë shkuar në pikën kufitare në Morinë, për të pritur presidentin e Kosovës, Hashim Thaçi.
Ai është kthyer nga Haga pas intervistimit katër ditor që kishte nga Dhomat e Specializuara.
Shumica e të pranishmëve në Morinë janë ish-pjesëtarë të UÇK-së, ndërsa e kanë pritur presidentin Thaçi me valle, flamuj kombëtarë dhe simbole të Ushtrisë Çlirimtare të Kosovës.
