Sikundër ishte paralajmëruar edhe më herët, ishujt grekë janë prekur nga cikloni “Ianos”. Autoritetet greke njoftojnë se në 6-9 orët në vazhdim, do të përcaktohet qartë rruga që do ndjekë cikloni, ndërsa vendi është përfshirë nga stuhi dhe erëra të fuqishme.
Zakynthos, Kefalonia dhe Ithaca kaluan një natë të vështirë me erërat e fuqishme dhe reshjet e dendura të shiut.
https://www.youtube.com/watch?v=TLoZcPGdFM4&feature=emb_title&ab_channel=ProtoThema
Cikloi filloi pas orës 3 të mëngjesit në zonat e Peloponezit dhe veçanërisht në Ilia dhe Mesinia, duke vazhduar më pas në Atika.
Zonat që janë vënë në vijën e “kuqe” për orët e ardhshme janë Etoloakarnania, Ilia, Achaia, Arcadia, Messinia, Kefalonia, Zakynthos dhe Ithaca. Vlerësimet e reja të specialistëve, flasin për një zhvendosje të pjesshme në rrjedhën e Ianos, pasi ai nuk pritet të hyjë në brendësi të Peloponezit.
