Avokati Spartak Ngjela është përfshirë në një debat me analistin Neritan Sejamini. Të ftuar në emisionin ‘Open’ në Top Channel, ata diskutuan në lidhje me reformën në drejtësi.
Gjithçka nisi kur Sejamini tha se Ngjela e ka kollaj kur thotë që reformën po e bëjnë amerikanët.
“Avokati e ka të thjeshtë të thotë se drejtësinë e bën Amerika dhe ne duhet të ikim të gjithë në shtëpi. Zoti Ngjela mendon se drejtësinë do na e bëjë Amerika, do na fusi në burg Amerika dhe ne do rrimë kot”, tha Sejmini.
Ndërkohë avokati Ngjela i është përgjigjur duke i thënë se kjo gjë është fakt dhe nuk e thotë ai.
“Kjo është fakt, nuk e them unë. Më di gjë budalla ti mua. Unë kam thënë reformën jo drejtësinë. Reformën po e bën OMN. Amerika drejton reformën në bazë të kushtetutës. Kushtetutën se kam hartuar unë”, tha Ngjela.
Pjesë nga debati:
Sejmini: “Kushtetuta është e shkelur nga fillimi deri në fund, çdo gjë e Reformës në Drejtësi është shkelur”.
Ngjela: “Nuk e shkelni dot reformën”
Sejmini: “Dakort pra dakort, ke gjetur këtë gjë ti, ka ardh Amerika dhe u rregullua çdo gjë. Reforma në Drejtësi është problematike sot, ka krijuar probleme të jashtëzakonshme që po ndikon në jetën e popullit”.
