Britaniku i parë i prekur nga koronavirusi Connor Reed ka rrëfyer me detaje “eksperiencën e tij” me koronavirusin.
Hap pas hapi, ai ka shkruar në ditar çfarë ka ndodhur me gjendjen e tij shëndetësore, që prej infektimit me koronavirus e deri tek shërimi i plotë.
Në ditën e 7-të të asaj që ai e mendonte si ftohje, Reed shkroi: “Ndihem shumë keq, kjo nuk është thjesht ftohje. Më dhemb gjithë trupi, koka po më plas, sytë më djegin, fyti më është bllokuar. Më mbyti kolla”.
Në ditën e 12-të, duket se gjërat u agravuan sërish dhe ai shkroi: “Kur mendoja se më liroi gripi dhe po bëhesha më mirë, sot jam edhe më keq. Kam temperaturë, po dridhem dhe po djersij. Nuk kam qenë kurrë kaq sëmurë në jetën time. Mezi marr frymë”.
Në ditën e 24-ërt, i riu më në fund shërohet: “Urra! Më në fund u shërova”.
