Zëdhënësi i Bashkimit Evropian, Peter Stano bëri deklaroi ditën e sotme se takimi i radhës mes kryeministrit të Kosovës, Albin Kurti dhe presidentit të Serbisë, Aleksandar Vuçiç do të zhvillohet më 19 korrik.
Takimi mes liderëve zhvillohet në kuadër bisedimeve për normalizimin e marrëdhënieve mes Kosovës dhe Serbisë, ndërmjetësuar nga Bashkimi Europian.
“Ky takim i nivelit të lartë mbi dialogun, do të fokusohet në diskutimin mbi progresin e arritur – për hapat e ardhshëm në dialog, i cili është shumë i rëndësishëm për perspektivën evropiane të Kosovës dhe Serbisë,” u shpreh Stano.
Kurti dhe Vuçiç u takuan për herë të parë në Bruksel më 15 qershor, por takimi ishte thjesht një njohje me qëndrimin e dy palëve.
Dialogu politik ndërmjet Kosovës dhe Serbisë, me ndërmjetësimin e Bashkimit Evropian, ka nisur më 2011. Takimi i fundit ndërmjet krerëve shtetërorë të këtyre vendeve është zhvilluar në 15 Qershor midis kryeministrit të Kosovës, Albin Kurti dhe presidentit serb, Aleksandër Vuçiç. Edhe pas këtij takimi nuk u arrit një marrëveshje pasi palët nuk pranuar kushtet e njëra-tjetrës për vijimin e dialogut.
