Ministri i Jashtëm i Serbisë, Ivica Daçiç, ka reaguar pas vendimit të Greqisë për të mbyllur kufirin me shtetin serb.
Në një intervistë për mediat serbe, Daçiç tha se shpreson që Greqia do ta rishikojë këtë vendim. Sipas tij, kur qeveria greke të rivlerësojë të dhënat mbi epideminë, kufijtë e saj do të rihapen për turistët nga Serbia.
Ai e përshkroi vendimin si “të pakëndshëm dhe të keq”, duke theksuar se “kryesisht dëmton vetë interesat e Greqisë”.
Vendim i shtetit grek erdhi si pasojë e shtimit të rasteve të reja me koronavirus në Serbi. Gjatë 24 orëve të fundit, në Serbi u konfirmuan 302 raste dhe 5 viktima.
