Menjëherë pasi kreu i opozitës, Lulzim Basha njoftoi mbylljen e protestës ka reaguar kryeministri, Edi Rama. Pasi reagoi për prishjen e monumentit të “Kërpudhës” nga protestuesit para Kryeministrisë, kryeministri Edi Rama nga Vlora ka ndarë një tjetër postim në rrjetin social ‘Instagram’.
Edhe këtë herë Rama nuk i ndahet dëmeve materiale të shkaktuara nga protestuesit, ndërsa shkruan se shqiptarët kanë dy zgjidhje mund dhe durim ose rrumpallë dhe rrënim.
“ZGJEDHJA ËSHTË E QARTË: Mund e durim për Shqipërinë që duam apo rrumpallë e rrënim për Shqipërinë që kishim”, shkruan Rama krahas postimit.
