Mbyllet protesta për prishjen e Teatrit Kombëtar, për t’u mbledhur sërish të mërkurën, në orën 17:30.
Regjisori Edmond Budina ka bërë me dije se duke qenë se nesër është nata e Kadrit, takimi i radhës është lënë për të mërkurën, në datën 20 maj.
Një protestë e cila ka zgjatur për më shumë se 2 orë, ka sjellë fjalimet e qytetarëve dhe artistëve. Në asnjë çast nuk e ka marrë fjalën kryetarja e LSI-së, Monika Kryemadhi apo kryetari i Partisë Demokratike, Lulzim Basha.
Vetë regjisori Budina, në fjalën e tij tha para protestuesve se qytetarët duhet të ruajnë qytetarinë, maturinë, dhe me këtë sjellje të përvijohet edhe në protestat e radhës.
Artistët i mëshuan fort faktit se protesta ishte e pa politizuar, e ndërsa Basha e Kryemadhi i ndiqnin së bashku me turmën.
