Kryeministri Edi Rama prezantoi në një komunikim në FB, masat e reja për parandalimin e koronavirusit. Ai apeloi ndaj qytetarëve të qëndrojnë në banesa, pasi kështu do shmanget një kolaps i sistemit.
Rama tha se do mbyllen bizneset fason dhe call center, por dhe kur te nisin aktivitetet duhet të respektojnë masat e sigurisë kundër virusit, ose do mbyllen.
“Kjo masë drastike për këtë hap tjetër për ta ngadalësuar shtrirjen e armikut në territorin tonë, do të ndërmerren masa të tjera. Shoqëritë fasone dhe call –centerat do të jenë mbyllur nga dita e nesërme, deri në një njoftim tjetër. Në rast se kur të rifillojnë aktivitetin konstatohen se nuk kanë respektuar rregullat për punonjësit, jo vetëm që do të përgjigjen dhe do të merren masa, por do të mbyllen për edhe më mbrapa.
Ne do ta mundim këtë armik, duke mos u ndarë në asnjë palë dhe duke mos u ndarë në qytetar e shtet, por sot jemi një popull i cili përbëhet nga anëtarë të një familje. Nën uniformën e policisë, ushtarak, mjekësor janë njësoj të prekshëm dhe janë njësoj të detyruar të bëhen bashkë për të larguar rrezikun që i kërcënon të gjithë.
Me durim do ja dalim, dhe kjo nuk është një fjali e radhës, por është bindja ime e thellë që e ndaj me ju. Edhe unë jam një qytetar, prind dhe bir i një nëne, pjesë e një familje që e dua pa fund por më duhet të sakrifikoj që të mos bëhem problem për ta”.
