Mbretëria e Bashkuar po përjeton ditët e saj më të vështira që nga shpërthimi i koronavirusit në vend.
Mediat britanike kanë publikuar bilancin e 24 orëve të fundit dhe shifrat janë mjaft shqetësuese. Sipas këtij bilanci, 980 persona kanë ndërruar jetë në orët e fundit, ndërsa janë regjistruar 5,195 raste të reja.
886 persona ndërruan jetë në spital në Angli, ndërsa 114 të tjerë u konfirmuan sot në Skoci, Uells dhe Irlandën Veriore.
Deri më tani në Mbretërinë e Bashkuar janë shënuar 70,272 raste me COVID-19, ndërsa numri i viktimave ka shkuar në 8,958.
Ditën e djeshme autoritetet kanë zhvilluar 19,116 teste, një rritje e dukshme në përpjekjet ditore, që deri tani nuk i kishin kaluar 10,713 teste.
Një këshilltar i lartë i qeverisë paralajmëroi sot se duhet të kalojnë edhe disa javë, përpara se Britania të dijë nëse bllokimi i vendosur më 23 mars mund të lehtësohet.
Mbretëria e Bashkuar renditet e pesta si vendi me numrin më të madh të vdekjeve nga koronavirusi, pas Italisë, SHBA-ve, Spanjës dhe Francës.
