Vijon të rritet numri i viktimave nga koronavirusi në Mbretërinë e Bashkuar.
Pas disa ditësh përmirësimi të situatës, ditën e djeshme Mbretëria e Bashkuar regjistroi një rritje të ndjeshme duke shënuar 854 viktima.
Ndërkohë kjo shifër është rritur sërish në bilancin e 24 orëve të fundit, ku janë regjistruar 936 persona të vdekur. Kjo është shifra më e lartë e regjistruar ndonjëherë brenda një dite në Mbretërinë e Bashkuar.
Deri më tani, në Mbretërinë e Bashkuar janë shënuar 7,095 viktima. Ndërkohë 3,634 raste të reja janë regjistruar sot, duke e çuar në 55,242 numrin e të prekurve nga COVID-19.
Mbretëria e Bashkuar renditet e pesta me numrin më të madh të viktimave të shënuara nga koronavirusi, pas Italisë, Spanjës, SHBA-ve dhe Francës.
