Legjenda e basketbollit, Kobe Bryant, humbi jetën së bashku me vajzën e tij 13-vjeçare në një aksident me helikopter. Ai la pas bashkëshorten Vanesën dhe dy vajzat e tjera.
I ndjeri ka qenë një person shumë i përkushtuar ndaj familjes, e kjo vihet re lehtësisht edhe nga postimet e tij në rrjetet sociale ku fotot më të shumta i ka me vajzat, duke u shprehur atyre dashurinë.
Shumë javë para tragjedisë, Kobe Bryant kishte bërë një postim me një dedikim emocionues për bashkëshorten e tij. “Sot 20 vite më parë njoha shoqen time të ngushtë, mbretëreshën time Vanesa. Vendosa që sot ta çoja në Disneyland për të festuar bashkë me 4 princeshat tona. Të dua përgjithmonë”, shkruante ai.
