Pas mbledhjes së Këshillit të Sigurisë gjatë ditës së sotme, ka ardhur edhe reagimi i kryetarit të PD-së, Lulzim Basha.
Përmes një postimi në Twitter, Basha thotë se i ka kërkuar kryeministrit Rama që të ndihmojë njerëzit në nevojë dhe bizneset.
Sipas tij, resurset e qeverisë duhet të shkojnë për të lehtësuar krizën e krijuar nga pandemia e koronavirusit dhe jo për sulme politike.
“Në mbledhjen e KSK detajova arsyet, nevojën dhe përfitimet që kanë qytetarët nga rritja e testimeve, si dhe i kërkova qeverisë mbështetjen për familjet në nevojë dhe bizneset në këto kohë të vështira. Njerëzit duan garanci për jetën, shëndetin dhe mirëqenien e tyre. Ky është angazhimi im dhe i opozitës. Gjithë energjitë dhe resurset e qeverisë duhet të shkojnë për të lehtësuar krizën dhe jo për sulme politike, sepse sot shqiptarët e papunë dhe në vështirësi ekonomike, kanë nevojë për mbështetje të menjëhershme”, shkruan Basha në Twitter.
Ky është angazhimi im dhe i opozitës. Gjithë energjitë dhe resurset e qeverisë duhet të shkojnë për të lehtësuar krizën dhe jo për sulme politike, sepse sot shqiptarët e papunë dhe në vështirësi ekonomike, kanë nevojë për mbështetje të menjëhershme. #ditemetemira
— Lulzim Basha (@lulzimbasha_al) April 15, 2020
