Pandemia e koronavirusit vijon të përhapet edhe më shumë në të gjithë botën, teksa deri më tani janë shënuar mbi 4 milionë raste infektimi.
Sipas Worldometer, virusi vdekjeprurës ka prekur 4,014,503 njerëz ndërsa i ka marrë jetën 276,253 personave.
Vendi më i prekur në botë vijon të jetë SHBA, i cili regjistron 1,322,163 raste infektimi dhe 78,166 persona të vdekur.
Shtetet e tjera më të prekura janë Spanja, Italia, Mbretëria e Bashkuara, Rusia, Franca, Gjermani, Turqia, Brazili, Irani etj. Të gjitha shtetet e përmendura e kanë kaluar pragun e 100 mijë personave të infektuar.
Deri më tani janë shëruar nga koronavirusi 1.387.274 persona nga e gjithë bota, ndërsa 2.350.976 raste janë ende aktive.
Vetëm 2% e rasteve aktive, pra 48,699 persona ndodhen në gjendje të rëndë shëndetësore. Deri më tani raporti mes numrit të viktimave me atë të shëruarve është 17% me 83%, duke treguar se numri i të shëruarve është shumë më i lartë sesa i viktimave.
Kjo është lista e dhjetë vendeve më të prekura në botë, të renditura sipas numrit më të madh të rasteve të shënuara.
- SHBA – 1,322,163 raste infektimi dhe 78,166 viktima
- Spanja – 260,117 raste infektimi dhe 26,299 viktima
- Italia – 217,185 raste infektimi dhe 30,201 viktima
- Mbretëria e Bashkuar – 211,364 raste infektimi dhe 31,241 viktima
- Rusia – 187,859 raste infektimi dhe 1,723 viktima
- Franca – 176,079 raste infektimi dhe 26,230 viktima
- Gjermania – 170,588 raste infektimi dhe 7,510 viktima
- Brazili – 146,894 raste infektimi dhe 10,017 viktima
- Turqia – 135,569 raste infektimi dhe 3,689 viktima
- Irani – 104,691 raste infektimi dhe 6,541 viktima.
TIRANA TODAY
