Holanda vijon të jetë një ndër shtetet që regjistron numrin më të madh të viktimave, në bilancin prej 24 orësh.
Gjatë 24 orëve të fundit në Holandë janë shënuar 138 viktima dhe 708 raste të reja të personave të infektuar nga COVID-19.
Që nga shpërthimi i koronavirusit, në Holandë janë regjistruar 4,054 viktima dhe mbi 34 mijë raste infektimi.
Në listën e Worldometer për vendet më të prekura nga koronavirusi, Holanda renditet e 14-ta pas, SHBA-ve, Italisë, Spanjës, Francës, Gjermanisë, Mbretërisë së Bashkuar, Kinës, Iranit, Turqisë, Rusisë, Belgjikës, Brazilit dhe Kanadasë.
Më shumë se 2,5 milionë njerëz nga e gjithë bota janë prekur nga COVID-19, ndërsa rreth 180 mijë persona kanë humbur jetën.
