Më shumë se 3,500 emigrantë nga më shumë se 50 shtete të botës kanë ngelur të bllokuar në një anije të ankoruar në San Francisko, pasi janë regjistruar 21 raste me koronavirus.
Zv.presidenti amerikan, Mike Pence ka konfirmuar se 19 prej të prekurve janë anëtarë të ekuipazhit dhe dy janë pasagjerë.
“Këta persona do të duhet të karantinohen. Ata që do të kërkojnë ndihmë mjekësore do ta marrin atë”, tha Pence.
Ai i bëri thirrje amerikanëve të moshuar që të marrin në konsideratë situatën e krijuar nga koronavirusi dhe të mos planifikojnë udhëtime gjatë kësaj kohe.
Ende nuk dihet se çfarë do të bëhet me pasagjerët që do të karantinohen. Mësohet se në anije ndodhen 2,422 udhëtarë dhe 1,111 persona që janë pjesë e ekuipazhit.
Në lidhje me këtë rast ka reaguar edhe presidenti i SHBA-ve, Donald Trump.
“Më mirë të rrinë aty ku janë. Nuk kam nevojë të kem dyfishim shifrash të rasteve, për shkak të një anije që nuk ishte për faji tonë”, tha ai.
