Italia ka shënuar një rënie të lehtë të numrit të viktimave nga koronavirusi, në krahasim me ditën e djeshme.
Gjatë 24 orëve të fundit, në Itali janë regjistruar 242 viktima, 20 më pak se një ditë më parë. Kështu shkon në 31,610 numri i personave që kanë humbur jetën nga COVID-19 në vendin fqinj.
Një rënie evidentohet edhe në numrin e rasteve të reja, teksa në 24 orët e fundit janë shënuar 789 raste, 203 raste më pak krahasuar me dje.
Me më shumë se 223 mijë raste infektimi në total, Italia renditet tashmë e pesta në listën e vendeve me numrin më të lartë të rasteve me COVID-19, pas SHBA-ve, Spanjës, Rusisë dhe Mbretërisë së Bashkuar.
Deri më tani në shtetin fqinj janë shëruar mbi 120 mijë persona, ndërsa 72,070 raste janë ende aktive. Prej këtyre, 808 pacientë ndodhen në gjendje të rëndë shëndetësore.
Koronavirusi ka prekur më shumë se 4,5 milionë njerëz nga e gjithë bota, ndërsa i ka marrë jetën mbi 306 mijë personave.
