Mbërrin nga Turqia avioni me 192 mijë dozat e vaksinës kineze

Avioni me 192 mijë dozat e vaksinës kineze ka mbërritur nga Turqia në aeroportin e Rinasit.

Kryeministri Edi Rama ka publikuar në rrjetet sociale, momentin e uljes së avionit me dozat e kompanisë kineze, Sinovac.

Sipas tij, objektivi është që deri në muajin qershor të jenë vaksinuar 1-2 milion qytetarë.

”O ia dalim, o ia dalim. Mos dyshoni kurrë që do t’ia dalim. Aeroporti Nënë Tereza – Arrinë në Tiranë 192.000 dozat e para “Sinovac”, për të vazhduar menjëherë dhe pa u ndalur me vaksinimin masiv.

OBJEKTIVI: 1/2 MILIONË QYTETARË TË VAKSINUAR BRENDA QERSHORIT’’, shkruan Rama në rrjetin social, Facebook.

Kryeministri Rama pak orë më parë nga Stambolli, deklaroi se do të sillte sot në Tiranë 192 mijë vaksina kineze të “Sinovac”.

Ai njoftoi se kishte siguruar 1 milionë vaksina kineze, dhe se gjysëm milionë doza do të mbërrijnë brenda 60 ditësh.