Së fundmi policia italiane ka gjetur në bagazhin e automjetit të dy shqiptarëve nga Kosova, trupin e pajetë të një të afërmi të tyre.
Makina me trupin e viktimës, u ndalua në portin e Barit ndërsa po imbarkohej në tragetin e linjës së Shqipërisë.
Siç raportojnë mediat italiane, pas verifikimeve rezultoi se dy shqiptarët nga Kosova po përpiqeshin ta transportonin të afërmin e tyre në vendin e origjinës, ku edhe do të varrosej.
E gjitha kjo mendohet të jetë bërë për të shmangur procedurat doganore, të cilat në të tilla raste kushtojnë mijëra euro.
Nga të dhënat paraprake, u bë me dije se viktima kishte gjetur vdekjen për shkaqe natyrale, gjë që u konfirmua edhe nga ekspertiza mjeko-ligjore.
